Өтетін орны: Қалибек Қуанышбаев атындағы Қазақ ұлттық музыкалық драма театры (Қ.Қуанышбаев көшесі, 8/1)
Дирижер: Ерлан Бейсембаев «Мәдениет саласының үздігі»
Жанр: концерт
Жас санаты: 12+
Ұзақтығы: 1 сағ 20 мин
Театрдың көркемдік жетекшісі: Қазақстанның еңбек сіңірген қайраткері Гүлсина Мирғалиева
Құрметті қазақ өнерінің сүйікті көрермендері! Қалибек Қуанышбаев атындағы Қазақ ұлттық музыкалық драма театрының симфониялық оркестрі Жаңа жылдық мерекелік концертін ұсынады.
Бұл кеш үлкен-кіші буынның жүректерін біріктіріп, сүйікті музыкаңызды басқаша сезінуге мүмкіндік береді. Симфонияның жарқын дыбыстары сіздің жаныңызды байытып, ғажайыпқа толы саз - әуендер әдемі күйге бөлейді.
Оркестрдің жетекшісі әрі бас дирижері – Мәдениет саласының үздігі, халықаралық байқаулардың лауреаты Ерлан Бейсембаев.
Оркестр құрамында бірнеше аспаптың құлағында ойнайтын өте талантты өнерпаздар жиналған. Концертте шетел және заманауи шығармалар орындалады.
Осы ұмытылмас шараның бір бөлігі болу мүмкіндігін жіберіп алмаңыз!